Lyrics

Nais ko sanang awitan Ka ngayon, Panginoon
Di dahil panalangin ko’y tinugon kahapon
Nais kong sumamba ‘di rin dahil may problema na naman
Kundi sadyang ‘di ko lang maunawaan

Oh Dios ako’y nagtataka lang talaga
Kung ba’t sa’Yo’y gano’n na lang ako kahalaga
Oh Dios bakit ba?

* Iniwan Mo ang langit
Para lang sabihing
‘Di ako mag-isa
At kahit pa no’ng una
‘Di Ka pa kilala
Ako’y inibig Mo na
‘Di ko alam ang dahilan
Gano’n pa man
Mula sa aking puso
Ako’y nagpapasalamat sa’Yo
Salamat sa pag-ibig Mo

Bukod sa pagsamba may iba pa bang maaari kong gawin
Para man lang pasasalamat ko’y aking maiparating
‘Di man sapat ito lamang ang makakaya kong gawin
Panginoon, sana’y Iyong dinggin

Ako’y namamangha lang talaga
Kung ba’t sa’Yo’y gano’n na lang ako kahalaga
Oh Dios bakit ba?

(Repeat *)

‘Di naman mababawasan ang ‘Yong kadakilaan
Kung ‘di Mo ko inibig, Oh Dios
Ngunit ika’y sadyang kakaiba
Karapat-dapat sa pagsamba
Pagsamba

Iniwan Mo ang langit
Para lang sabihing
‘Di ako mag-isa
At kahit pa no’ng una
‘Di Ka pa kilala
Ako’y inibig Mo na
‘Di ko alam ang dahilan
Gano’n pa man
Mula sa aking puso
Ako’y nagpapasalamat
Tanggapin ang awitin
Ito man ay hindi sapat
Panginoong Hesus, ang papuri ko’y alay sa’Yo
Salamat sa pag-ibig Mo

Sa pag-ibig Mo